புரிதல்
மங்கிய மாலை வேளையில்
மதுக்கோப்பையுடன் நான்
மதுவின் வழியே கோப்பையின் அடியில்
தெரிகிறது முடிவு
முடிவை நோக்கிய பயணம்
தொடங்கும் முன்னே தடுத்தன
தோழர் கைகள்
சமமாய் பிரித்தனர் மதுவை
அளவாய் கலந்தனர் மிதநீர்
கலந்த மதுவில் கலங்கித் தெரிந்தன
எங்கள் அனைவர் உருவமும்
கலந்த தண்ணீர் அடைத்துக் கொண்டது
முடிவின் வழியை
அடைத்த வழியில் அழகாய் நிற்பது
அவர்கள் உருவம்
உருவம் பார்த்தே உரத்த குரலில்
முழக்கம் செய்தேன்
மதுவின் உள்ளே மிதநீர் கலந்தது
நானே என்று.
ஜூலை 30, 2007 at 11:19 மு.பகல்
hey, nice imagery. The end was unexpected though. Could not understand it completely though i know you could have finished it in a different way.